GUDE ALE KEEPS THE HEART ABOON
Chorus—O gude ale comes and gude ale goes;
Gude ale gars me sell my hose,
Sell my hose, and pawn my shoon—
Gude ale keeps my heart aboon!
I HAD sax owsen in a pleugh,
And they drew a' weel eneugh:
I 1sell'd them a' just ane by ane—
Gude ale keeps the heart aboon!
O gude ale comes, &c.
Gude ale hauds me bare and busy,
Gars me moop wi' the servant hizzie,
Stand i' the stool when I hae done—
Gude ale keeps the heart aboon!
O gude ale comes, &c.