27 BONNIE GEORGE CAMPBELL
HIE upon Hielands,
and laigh upon Tay,
Bonnie George Campbell
rode out on a day.
He saddled, he bridled,
and gallant rode he,
And hame cam his guid horse,
but never cam he.
Out cam his mother dear,
greeting fu sair,
And out cam his bonnie bryde,
riving〖Tearing.〗 her hair.
“The meadow lies green,
the corn is unshorn,
But bonnie George Campbell
will never return,”
Saddled and bridled
and booted rode he,
A plume in his helmet,
A sword at his knee.
But toom〖Empty.〗 cam his saddle,
all bloody to see,
Oh, hame cam his guid horse,
but never cam he!